黃栢文是無綫第6期藝員訓練班學員,在娛樂圈能演又能導,昔日是李修賢幕後班底之一,執導作品有《霹靂先鋒》、《風雨同路》及《雷霆掃穴》,早年他以演出電影為主,後因病而移民加拿大一段日子。2012年他重投無綫拍劇,大多數演反派角色,不過在最近播完的《青春不要臉》中就做回自己,飾演電影公司的「鬼導」,邀請角色影射周星馳的「齊輕舟」丁子朗前來試鏡,這場戲正是他當年搵星爺拍《霹靂先鋒》的真實故事。
同場加映:閃電傳真機丨張沅薇趁兩個仔長大復出幕前 常被認出最愛聽到:細細個就睇你
{{hket:ul-video id="5201"}}{{/hket:ul-video}}
{{hket:inline-image name="02081011.jpg"}}{{/hket:inline-image}}
{{hket:inline-image name="02081010.jpg"}}{{/hket:inline-image}}
黃栢文日前接受無綫訪問,分享他由幕前轉到幕後,及移民再回流香港的故事。他說:「做咗藝員兩年,因為自己唔善於交際,唔識得去Sell自己,有通告先返公司,又唔識得同人打關係,好快兩年就唔夠騷就被人裁走。呢個時候我喺影視圈嘅第一個師傅出現,佢就係鄭則仕,佢打畀我話幾年時間喺呢個圈子唔好嘥,不如喺另一方面嘗試、等機會,叫我去學做副導演。李修賢係我第二個貴人,佢喺邵氏第一部戲做導演,但冇一位好嘅副導演,就叫我幫佢做;點知我哋一拍即合,接到呢個任務後我度劇本度咗8個月,喺8個月裡面,第二男主角個公仔(角色)一路都係而家一位巨星,佢當時都係TVB啱啱出咗去、冇咁紅。」
青春不要臉丨丁子朗「齊輕舟」靠關係入藝訓班 角色原形周星馳到底係靠邊個?【下一頁】
黃栢文口中所講的新戲就是《霹靂先鋒》,可惜該位「巨星」無檔期,令電影難以正式開拍,直至被鄭則仕打破悶局,「某一日我同李修賢上鄭則仕屋企食飯,話開唔到戲、搵唔到演員,啱啱電視見到周星馳出現,鄭則仕回頭望一望,話呢個𡃁仔好掂㗎,做戲幾放,我同李修賢望一望又冇在意……咁啱嗰晚我哋落咗去一個影人聚集嘅娛樂場所,就撞到周星馳。我望咗佢一輪行開,被我拍檔話我由頭望到落腳,又由腳望番上頭,冇同人打招呼好冇禮貌,於是埋去同佢傾計,發覺佢其實幾啱戲中嗰個人物,叫佢過去同李修賢傾吓,又講得幾啱Feel,於是約佢第二日上公司。」黃栢文指當日李修賢曾問他第一次做導演肯不肯用新人,他就答大家都新,為何不去博一鋪,同意起用周星馳,「點知埋位第一日開工第一個shot,佢就係我想要嘅公仔(角色),佢係一個非常、非常之好有天份嘅演員,你要求佢『一』,佢畀到『七八九』你。《霹靂先鋒》係佢第一部戲,我已經對佢非常滿意。」
《愛回家》演員患癌移民加拿大 全靠女兒撐下去【下一頁】
追問當年的「巨星」是誰?黃栢文笑笑口答:「梁朝偉,嗰時佢啱啱喺TVB跳出電影界,因為受咗佢套《鹿鼎記》韋小寶影響,覺得佢好啱做,於是乎一路度故仔一路都係諗住佢,甚至直接以『偉仔』來稱呼嗰個角色人物。」
(↓點擊圖片放大↓)
- {{hket:inline-image name="1_602.jpg"}}{{/hket:inline-image}}
- {{hket:inline-image name="02081017.jpg"}}{{/hket:inline-image}}
- {{hket:inline-image name="02081014.jpg"}}{{/hket:inline-image}}
- {{hket:inline-image name="02081009.jpg"}}{{/hket:inline-image}}
- {{hket:inline-image name="02081018.jpg"}}{{/hket:inline-image}}
- {{hket:inline-image name="02081012.jpg"}}{{/hket:inline-image}}
- {{hket:inline-image name="02081013.jpg"}}{{/hket:inline-image}}
- {{hket:inline-image name="02081015.jpg"}}{{/hket:inline-image}}
- {{hket:inline-image name="02081016.jpg"}}{{/hket:inline-image}}
黃栢文透露1991年執導《雷霆掃穴》時,拍到三分二進度時生了一場大病,差點兒喪失生命,「醫好後醫生叫我轉職業,唔好做大壓力嘅工作,於是乎申請移民外國,直至個女入大學,睇住佢入咗大學門口,我就回流返香港。」他笑言2012年返港後有嘗試做其他工作,但在街上見到人拍戲時有點技癢又羨慕,後來經朋友介紹後重返無綫。對於《青春不要臉》內做回自己,他表示:「呢一生人裡面都唔會再接到呢個角色,因為係演緊自己,演番黃栢文,係講佢當年點樣同周星馳合作,點樣可以令佢攞到金馬獎,一路演時往事點點滴滴喺個腦海度出番嚟,畀我諗番起好多遺忘咗嘅嘢。」
撰文:梁榮達
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】